Welkom by lekkerjag

Ja, welkom by Lekker Jag waar jy inligting kan kry oor jagplekke, wat gejag kan word, wat dit kos, hoeveel jy dit gaan geniet en na wie toe jy al jou vriende gaan verwys nadat jy by ons lekker gejag het.

Eintlik weet ek nie hoekom praat ek so baie nie want eintlik moet jy maar net kom en kom jag dan weet jy mos self.

Nietemin, Lekker Jag of lekkerjag of net hoe jy dit nou ookal wil skryf is in Afrikaans soos jy kan sien. Hoekom? Want dis lekker so! Ons weet mos hoe om ‘n ding te vertel in Afrikaans, of hoe?

Vir die Engelse of Ingelse of hoe ookal het ons natuurlik ons engelse webwerf ook en dis ook nou toevallig wie ons besit en hoekom ons so windgat is. www.huntinglegends.com. Neem wel kennis dat Hunting Legends slegs dienste lewer aan die oorsese markte wat natuurlik duur is. Met Lekker Jag spaar ons jou as opregte Suid Afrikaner dus geld.

Lekker Jag word besit en bestuur deur niemand minder nie as Hunting Legends, een van die mees gesogste jagmaatskappye in die jagbedryf met ‘n reputasie wat ons ver vooruit loop. Die manne kan! Glo my maar en as jy my nie glo nie tel die foon op en bel Donald Trump junior self, hy sal jou gou vertel wie ons is en hoe lekker ons kan jag. Dis nou lekker ‘brag’ ne!

Ja ons kan maar groot praat want ons weet ons kan en dis vir ons belangrik want jag is nie net lekker nie dis ‘n ernstige storie. Die manne wat jag soek hulle bokke en hulle trofees. Die manne wil weet hulle kry hulle wild en hulle wil weet die fasiliteite is op die bol en die kos is smaaklik en die diens bo verdenking en dis wat ons kan bied.

So weereens welkom en moenie te lank sloer voor jy ons skakel vir jou bespreking nie. Onthou, ons is gewild so ons raak gougou vol.